الوزير قال هنلغى الامتحانات ولكن الدراسة زى ما هى شغالة بس كمواد رقمية على النت يعنى تتعلم وانت فى بيتك وف اخر الشهرين هتعمل بحث كمشروع لسه هيتم الاعلان عن تفاصيله للتأكد ان الطالب درس فعلا المنهج ووصى أولياء الأمور بمتابعة أولادهم والتأكد من إنهاء أبنائهم للمنهج وان مدرسين المدارس موجودين لتوجيه الطلاب فى عمل البحث ( المشروع )
نقاط هامة :
1- أولياء الأمور اللى عندهم درجة وعى عالية بأهمية الأمر هما بس اللى هيهتموا فعلا بتعليم أولادهم الفترة دى لإنهم واصلين بوعيهم ان التعليم للتعليم مش للإمتحان .
2- المنهج لم يتم إلغائه بمعنى ان السنة الدراسية الجاية هتفضل مبنية على اللى اتدرس السنادى فاللى هيسيب المنهج ومش هيهتم بدراسة أولاده هيواجه مشكلة كبيرة السنة الجاية .
3- الوزير مش هدفه خالص إلغاء الترم ولو كان قصده كدا مكنش قرر بعمل بحث لكل مادة وان البحث دا هيكون أساس إنتقال الطالب للسنة الجاية يعنى اللى مش هيقدم البحث مش هيتنقل للسنة اللى بعدها .
4- الفترة اللى بنمر بيها دى لو نجحنا فيها ووعى الناس كان على قدر الحدث فدا هينقل التعليم نقلة كبيرة جدا وهيكون سبب نجاح كبير فى التعليم الفترة الجاية ولو كان عكس دا فهيؤدى لتدهور التعليم فالقرار فى إيدينا يا نكسر الحاجز دا ونستغله صح أو نفضل متأخرين ومستسلمين لأى وضع طارئ ونرجع لورا بدل ما نطلع قدام .
#شير_ووعى_غيرك
ليست هناك تعليقات:
إرسال تعليق
ارسل